瀛喜日本料理 (已結業)

大班舊同學聚舊，想就腳唔想出去旺角咁遠，就係荃灣呢頭方便大家，我提議食放題乜都有既自助餐。放題又點少得食刺身呀，款式都好齊呀，魚肉一片片精瑩通透，夠晒鮮味呀。而刺身蝦又點少得呢，即刻鯨吞左5隻呀，隻隻蝦頭都有膏必出黎架。放題都有另一樣要食既係壽司，但要係特色既壽司，半生熟牛肉口感夠滑仲有燒完既餘溫，而火炙三文魚就除左上面加左芝士外，燒完既魚油令三文魚份外滑溜。對於我呢個愛蝦之人，淨係刺身又點可以令我滿足，燒中蝦既時間掌握得好，令蝦肉呈半透明，滑到不得了，加埋芝士令蝦肉更香，最後燒蝦都「拍」左6隻。