雞絲粉皮個醬汁味道唔錯，只係粉皮有啲粗有啲厚。
花雕醉雞都幾入味，啲雞都算滑。
糖醋排骨同港式咕嚕肉一模一樣，個汁似酸甜汁多個糖醋，但味道都可以接受，最好個菜名改一改佢。
紅油抄手個餃子差啲，辣汁都唔錯。
上海排骨麵分量足夠，炸排骨都炸得唔錯。
鮮肉小籠包薄多汁，熱到足夠。
我最欣賞佢嘅上菜速度，點完菜差唔多5分鐘左右就已經陸續上，差啲仲以為來佐快餐店添。
之後再叫高力豆沙，就等左差唔多10幾分鐘先至到，味道中上。
泊車嘅朋友注意啦，如果用優惠券或者買佢嘅套票比錢，係唔可以用張單來做免費泊車，我都以為買優惠券有着數，最後都比多幾十蚊泊車錢！
