灣仔冰室 (已結業)

今日約左係附近返工既朋友食 lunch, 因為工作太忙，都未諗去邊度食。兩個人由灣仔沿謝斐道向銅鑼灣方向，一路傾一路搵食。見灣仔冰室新開，望落好光猛好企理，就揀呢間。由於我地好早出去，吾使等位。兩個人都俾卡位座，好大方。朋友新年食滯左，話無咩胃口，所以食清D叫蒸飯。蒸肉餅都幾大碟，又話無胃口，點知成碟食晒。佢話肉餅半肥半瘦，吾多粉，好鬆化，好有家既味道。我叫左霸王雞套餐，有湯有菜有飲品。湯好足料，似乎無味精。雞蒸得好嫩滑，六十幾蚊既套餐有咁大碟。👍呢間茶記都闊落，所以吾會好嘈，我地兩個好自在咁傾到雞啄唔斷，都無俾人趕。後來先發覺出面好多人等位，當然識做埋單啦！