望望餐牌價錢公道，野食都幾大份，最後決定要一個漢堡餐、一個鐵板餐、一盤雞翼、一份多士炒蛋同兩杯飲品。
首先到嘅係隆記手打漢堡，見到佢冠左自己餐廳名應該係招牌菜之一。
麵包鬆軟，漢堡厚肉多汁、肉質軟而不散，加上炸到外脆內軟嘅黃金薯角，美味昇華！
未食完漢堡，紐西蘭牛肉鐵板餐配酥皮龍蝦湯已經到左，非常快手！
大愛柚子嘅我當然要叫佢嘅人氣小食-金柚衣雞中翼！
鐵板餐嘅跟餐餐湯轉成人氣蘇皮龍蝦湯。
見仲食得落就順便叫埋茶記一定要試嘅炒蛋多士，特別係呢個蔥花黃金炒蛋扒多士。
食左三個餐飽到捧住個肚走！
p.s.見到隔離飯香，下次經過試埋個地上最強番茄焗豬扒飯先🍅！
