中環茶記 (已結業)

中環放工約左朋友食飯，但新年洗費太多啦唔可以食咁貴，所以黎左中環茶記，比平常既茶記裝修得更靚，卡位真係好好坐。一人叫左一個扒餐都係百零蚊! 而且最中意倒啲汁落去鐵板既出煙視覺效果同沙沙聲。牛扒配三文魚扒薯仔炸得脆，放係鐵板上更脆，牛肉質軟熟，但三文魚扒味道較淡，蒜蓉汁幾惹味。豬扒配鰻魚條鰻魚超大厚身，豬扒厚得黎唔會韌，仲係幾軟嫩，但呢個既薯條冇咁脆，淋既。咖喱雜菜蛋+蔥油餅個餅幾鬆脆，咖喱偏辣但接受到，入面有薯仔，紅蘿蔔，豆角，西蘭花，椰菜花，隻太陽蛋整穿蛋黃，餅點蛋汁同咖哩汁黎食。龍鳳檸樂幾中意有醃檸同新鮮檸，似有話梅味道既可樂咁，好飲又好解膩開胃。整體係坐得舒服，野食唔差，而且樓上卡位傾偈又有私隱既一家新式茶記。