.
📌經典茗茶
每一款都好似飲緊濃茶咁 勁香醇濃厚 aftertaste好強 茶控表示好興奮🍵唔太識品茶 但我都大推‼️
1️⃣浙江綠茶 $38
綠茶係不發酵茶 香醇得嚟好甘鮮清爽 味道就類似伊藤園嗰款濃茶咁 個人最鍾意呢款💚
2️⃣福建烏龍 $38
烏龍係半發酵茶 咁多杯入面最醇和 但個回甘味就好濃🤎
3️⃣雲南滇紅 $42
紅茶係全發酵茶 冇叫錯 茶底最香醇勁濃強 亦都係最long-lasting❤️
4️⃣沈韻熟普洱 $38
黑茶係後發酵茶 雖然係最深色 但個味幾醇和 係溫和嘅茶 仲多左陣陳香🖤
5️⃣茉莉花茶 $38
用左綠茶同新鮮茉莉花做原料 茶底濃醇得嚟 唔會蓋過天然花香味🧡
.
📌桃蜜綠茶 $58
試左咁多款茗茶之後 就試下tea mocktail🍹呢杯用左白桃+有機蜂蜜+綠茶 加埋一齊味道平衡得好好 好夾👍🏻
.
📌原味鬆餅 $35
口感唔錯喎 做到外脆內鬆化😝牛油味唔太重🧈反而蛋香味就幾濃 所以食落冇油膩感🥚但就有少少乾💦
.
📌茉莉花茶鬆餅 $35
呢款相對鬆軟同濕潤啲🤤但唔知點解有啲鹹味🤔個茉莉花聞落超香 雖然食落會薄弱啲 但個清香味都係濃🌸
.
📌奶油及果醬 +$15
Clotted cream幾軟滑 但奶味唔算太濃🥛果醬好足料 勁多果肉 仲有茶葉 幾特別 但就偏甜🌿唔洗加配淨食scone已經好夠🫶🏻
.
📌鐵觀音茶曲奇 $38
焗完之後外脆內鬆化 唔會太硬實🍪但就好乾🥺呢款個茶香味濃啲 食到茶嘅甘醇🍵但甜左少少🤏🏻
.
📌大紅袍茶曲奇 $38
呢款好厚身 同樣外脆內鬆化😋雖然兩款都係烏龍茶 但大紅袍用咗嚟整曲奇之後 個茶味冇鐵觀音咁濃 可能呢款糖落重手左 仲甜過上面嗰款 蓋過左個茶味🥺
.
📌茉莉花茶雲呢拿軟雪糕 $38
軟雪糕好有驚喜 必食呀❣️茉莉花茶味嘅雪糕坊間都好少有👀望落質地好冰感 但食落好軟滑🍦原本以為兩溝個茶味會弱左 點知 依然食到綠茶嘅甘醇同花嘅清香味🍵🌸反而雲尼拿香冇乜 似牛奶味多啲🥛個筒都幾夠脆😆
.
📌杭州桂花雞蛋仔 $38
用左頂級蘭王蛋日本麵粉 果然蛋香十足🍳平時桂香味甜品都可能會有啲苦澀味 但呢到冇呢個問題 淡淡桂花清香 用嚟整雞蛋仔又幾夾🙌🏻雖然望落好似好窿咁 但食落又唔會有燶味 做到外脆內鬆軟嘅口感 高質🥹
