AELLO (已結業)

今日去開元朗探朋友，到元朗時忽然落大雨就入左呢間小店叫杯野飲同避下雨！😂😂店員推介我飲菠蘿茉莉，我見幾fresh就加埋仙草晶球試下！ 朋友分別叫左蘋果紅茶加仙草同烏龍鮮奶加珍珠！試過之後，我覺得3杯野飲都好有水準，各有特色，好飲過好多連鎖茶店！ 菠蘿茉莉係用新鮮菠蘿🍍攪碎加即沖茶整成，茶味清香，完全無苦澀味！ 雖然我唔記得叫少甜，但幸好飲落甜度剛剛好！平時我都好小可以飲晒一杯野飲，但今次竟然想一飲再飲😎😎仙草都好正！加$3就有！大家不妨試下！！試飲朋友嘅蘋果紅茶同烏龍鮮奶加珍珠都覺得甜度剛好，茶味好重！而烏龍鮮奶嘅奶味都好濃郁😋下次要帶男朋友黎試，我估佢一定會覺得好飲過好多連鎖店既茶！！🤤