麻甩系(花甲粉)

营业中

休息中

路经呢间十分吸睛嘅外卖店，又见到都有几个人等紧外卖，我又去好奇下。呢间餐厅主打花甲粉，有唔同汤底可以拣，我要左麻辣汤底，花甲嘅份量非常多，食落唔会觉得霉或者好淋，而系带有鲜甜味道，食得出系好新鲜又无沙，功夫同用料都绝不马虎。配料仲有豆卜同金菇，吸收左只汤汁非常浓郁惹味。粉丝烟韧弹牙，同样吸收汤底精华，辣辣麻麻够过瘾！鱿鱼须炸得好香口，份量亦唔少鱿鱼须调味好好食，外皮够脆，里面鱿鱼够弹牙，大大条又厚身，好食推介！盐酥香鸡同样炸得非常香脆而且仲有盐酥香味，一粒粒细细够晒方便，鸡肉够嫩，好味到停唔到口！食完咁多热气嘢，要埋冰冻绿豆沙减轻罪恶感，简单嘅绿豆沙食落亦好出色，比一般外卖店高质素，又落左陈皮同海带，用料十足，价钱又唔贵，正！