東喜茶 (已結業)

自從係大陸飲過喜茶之後就一試愛上。雖然知道兩者冇關係，難得去觀塘，就算要大排長龍都要試下東喜茶。星期六下午有廿幾人等緊，由於行人路唔闊，等嘅時候要小心唔好阻住路人，最終等咗二十分鐘，終於有得飲。芝士茶，綠妍($33)先唔用飲管，直接大啖大啖咁飲，但杯要斜少少先可以一次飲到芝士加茶，好香濃嘅芝士加上清新嘅綠茶，同喜茶一樣咁正。飲飲下芝士同茶已經mix咗做奶茶，可用飲管飲，mix 咗之後味道比較淡。總括來講，33蚊有啲貴，芝士唔係好夠，如果有多啲會更好。