R.I.M.K (已結業)

朋友極力推介樓上cafe 既芝士蛋糕放題，諗住樓上cafe 多數質素一般，旨在有個地方可以坐耐d 吹水，但試過真係唔錯，價錢同出面普通cafe 差不多，main course 有幾個主打，極力推介蒜香辣椒蜆肉意大利粉軟殼蟹 同埋 黑松露野菌意大利飯（但唔記得影相），我地仲叫咗紅酒黑椒慢煮德國咸豬手，黑松露控既我急不及待要試個意大利飯，味道香濃夠入味，而軟殼蟹意粉都好夠味，軟殼蟹炸得好香脆。期待既芝士蛋糕放題，我地每個味道都叫一件，最好味既係抹茶味，柚子味，富士蘋果有果肉，每隻味都食唔停口。唯一要批評就係枱與枱之間比較密，感覺太擠逼。