漢堡王 (已結業)

坐渡海小輪到尖沙咀，諗起附近有Burger King，自已又未食過，一於試試味道先有時搭車經過，以為間店好細，原來間店幾大的，有好多座位，而且座椅亦都好舒適係眾多選擇中要了個芝士蘑菇漢堡餐，因為有優惠，所以可以免費加大。等左一陣就有得食了，一打開就有好香既蘑菇味，而且份量亦不少呢，配上半熔芝士同牛肉漢堡，成個配搭真係很好呢，還有點不夠候呢!相對芝士蘑菇漢堡，個人認為薯條較為普通，薯條與麥當勞的都是幼幼的，不過味道就較濃但不算出色，但份量就非常足夠。下次試下轉洋蔥圈先。