最近天氣又凍番，所以黎左呢度食番個暖粒粒既鍋，🤓湯底係芝士
配料有蟹柳、獅子狗、煎餃子、韓式年糕，食落年糕太腍
面頭有大量紫菜
重點係配埋勁大份量既芝士，倒埋落湯撈埋個手作意一齊食，好邪惡，手作意係自家製，食落有少少烏冬既感覺，而且條條都掛滿芝士湯，帶點鹹香味，正！
跟餐+$4有埋杯蜂糖朱古力，上面有滿滿棉花糖，仲有朱古力醬，棉花糖熱溶之後配埋朱古力一齊飲唔會過甜但暖粒粒
招牌特級西冷扒鐵板飯($55+$5芝士)
西冷扒塊量相當大，足足10安士，照燒汁淋埋落去，好香，肉質鮮嫩完全唔韌
粟米飯加埋芝士撈幾撈，仲可以整埋個超多拉絲既芝士飯！
