瑞士餐廳

营业中

休息中

餐厅装潢有点欧洲小镇感觉，特别系一入去见到好大只牛牛装饰有点可爱，另外餐厅面积几大，座位好阔落，坐得几舒服。蕃茄蓉芝士火锅今次特别啲拣咗蕃茄口味，带点微微酸味，而芝士底系用传统芝士，加入白酒提升香气，个人觉得酒精感觉几强烈，面包粒配芝士咸咸香香，好有趣呀！😆另外仲有其他配料可以配搭芝士火锅，我地加点薯仔、蘑菇及西兰花，蘑菇同芝士好夹呀！苏黎世烩鸡肉配蘑菇忌廉汁呢个菜式系瑞士传统菜式，烩鸡肉好嫰滑，蘑菇忌廉汁几香滑浓郁，旁边配搭甜甜蕃薯及紫薯蓉，个人觉得鸡肉份量再多啲更好。😝苹果金宝最后仲点咗甜品苹果金宝，面头嘅crumble焗到好香脆，带点肉桂香，而馅料嘅苹果及提子干份量几多。