帝苑餅店

最近先知原來帝苑酒店嘅拿破崙蛋糕咁出名🎂 餅店位於酒店地面嗰層，睇落冇乜特別，但係我幾次去見到都幾多人吓，買蛋糕要排下隊。


餅店有超級多俾人預訂咗嘅拿破崙蛋糕。我見到主要係雜果🍒🍇，第二係芒果🥭 雖然雜果色彩繽紛靚啲，但係我揀咗芒果。


啲芒果好甜好好食。下晝去攞，放雪櫃，夜晚差唔多11pm先食，但係酥皮都依然保持到脆口😋 裏面嘅吉士唔會太甜，食落唔會覺得好溜，四個人一晚已經食晒成個🤣🤣🤣


💰: HK$440 (per cake)
💝: 8/10

2