影片
更多
2021-09-10
120 浏览
來自台灣既芋圓響珍珠以外成為打入香港既美食天堂市場，無論台式飲品還是甜品都會見到芋圓既身影。除左由台灣直接入口既品牌外，香港人自家製既芋圓亦唔可以睇少，而芋圓控成功由外賣店轉入工廠大廈做堂食店，就係其中1個成功例子。一直都以為已經開左幕既小編，今晚(9月3日)黎到店鋪個陣先知道原來同日正式開業，難怪店鋪明明晚上8點關門，但接近7點仍然有不少既食客黎到買外賣。店鋪以簡單既白色概念為主，坐位大概都有7-8張4人枱﹑3-4張2人枱，而且仲特登間開外賣位，空間上都尚算充足。講返正題先，芋圓控既餐單設有套餐形式(可配1款汁底)既，亦有散配，以5-8款配料及汁底為上限，變左有選擇困難症既朋友或者有主見既朋友都可以滿足到呢!小編就叫左Set C - 三色分立，配椰汁。上枱個刻芋圓既表面全部被椰汁所覆蓋住，完全睇唔到個陣，仲心諗：唔會得咁少配料既..但當小編一撈起芋圓既時候，原來整個碗都係芋圓呀! 份量既多小編既朋友食完後都即刻飽左 (未食晚飯)，無論地瓜圓﹑紫薯圓﹑芋圓，全部都係毫不吝嗇既厚切，所以食個陣會食到芋圓既彈口口感，而且獨立咁食個陣都會食到佢既香味，證明都用足料整架! 而寒天晶球就可以令你
一直都以為已經開左幕既小編，今晚(9月3日)黎到店鋪個陣先知道原來同日正式開業，難怪店鋪明明晚上8點關門，但接近7點仍然有不少既食客黎到買外賣。
店鋪以簡單既白色概念為主，坐位大概都有7-8張4人枱﹑3-4張2人枱，而且仲特登間開外賣位，空間上都尚算充足。
講返正題先，芋圓控既餐單設有套餐形式(可配1款汁底)既，亦有散配，以5-8款配料及汁底為上限，變左有選擇困難症既朋友或者有主見既朋友都可以滿足到呢!
小編就叫左Set C - 三色分立，配椰汁。上枱個刻芋圓既表面全部被椰汁所覆蓋住，完全睇唔到個陣，仲心諗：唔會得咁少配料既..
但當小編一撈起芋圓既時候，原來整個碗都係芋圓呀! 份量既多小編既朋友食完後都即刻飽左 (未食晚飯)，無論地瓜圓﹑紫薯圓﹑芋圓，全部都係毫不吝嗇既厚切，所以食個陣會食到芋圓既彈口口感，而且獨立咁食個陣都會食到佢既香味，證明都用足料整架! 而寒天晶球就可以令你避免咬得太耐芋圓時既不快感，好味! 雖然朋友就覺得配淡奶會更好味，不過小編就覺得椰汁既濃香都合配芋圓既。
簡簡單單一碗$42既芋圓，對喜歡芋圓既朋友相信會令你非常滿意。不過留意住叫Set就唔可以再額外加配配料架，所以小編想試焙茶圓既就唯有要等下次黎食。
张贴
