彩翠軒酒家

营业中

休息中

去完大角咀公園玩，途經奧柏御峰見到有間街坊酒樓喺度，就入去醫一醫肚，食飽再繼續出去玩😳😳可能今日我地玩得太晏，臨落場先未到，所以食客就唔算多，但員工亦都好Nice好親切咁接待我哋。同事喺門口亦都見到佢哋好似大使推廣緊一個活動，我亦都比呢張Menu吸引咗，叫左其中一個豉油王海蝦黎食。意想不到嘅係！一碟嘅份量足足有成一斤海蝦，而且價錢只係$108，仲包左杯純米原酒，酒樓姐姐都話近排有好多後生仔過嚟食呢個set😂海蝦非常入味，如果你係用手剝蝦黎食嘅話，我只可以同你講你嘥咗呢碟菜，因為豉油王嘅香氣喺晒蝦殼上面，要逐隻逐隻咁啜先食到呢碟菜嘅精髓😀海蝦亦夠新鮮，肉質爽口，唔黐殼，我比8/10分。送嘅純米原酒夠晒凍，米香酒氣十足，好似有成15%酒精，食蝦嘅時候飲返啖會平衡返鼓油嘅咸味。