影片
更多
2022-09-22
41 浏览
為慶祝朋友生日，特意請他食一頓豐富晚飯，經過朋友介紹吓知道附近有一間精緻法日鐵板燒 : 燚 ITSUMÉI，兩位曾任20多年酒店日本菜大廚親手製作每一道fusion鐵板燒，見到食物相片嘅擺盤咁精緻，今晚終於有口福了。餐廳嘅大門採用深色嘅實木，位於一條小巷的最頭位置，重重嘅木門打開直望就係鐵板燒枱，吧枱最上方位置仲有一個金魚缸，並掛上廚師推介及時令嘅美食名稱。餐牌嘅食物林林總總，我就比較喜歡散叫嘅食物，可以自己配搭，仲可以睇住師傅即叫即整。來到咁有格調嘅地方，就各自叫咗一杯酒精類飲品 chill 吓，點少得我一直都好鍾意飲嘅1664呢。朋友的美人梅酒味道也不錯。除此之外呢度仲有多款生啤、啤酒、威士忌、蘋果酒選擇，最特別是有2017至2020年份一系列威士忌，重點係可以逐杯Order，好抵飲呀。小食見到我最喜愛吃嘅鵝肝多士，即刻order返一份，雖然一份只有一件，不過就少食多滋味，估唔到鵝肝都幾大塊，鵝肝外皮煎得香脆，內裏猶豫入口即溶嘅口感，中間還有一些果蓉好fresh，仲可以解油膩。北海道刺身級帶子一份有兩件，用上了厚厚的南瓜做底，加上厚厚的帶子，只需要輕輕煎一煎令香味四溢，面頭還有濃郁
餐廳嘅大門採用深色嘅實木，位於一條小巷的最頭位置，重重嘅木門打開直望就係鐵板燒枱，吧枱最上方位置仲有一個金魚缸，並掛上廚師推介及時令嘅美食名稱。
餐牌嘅食物林林總總，我就比較喜歡散叫嘅食物，可以自己配搭，仲可以睇住師傅即叫即整。
來到咁有格調嘅地方，就各自叫咗一杯酒精類飲品 chill 吓，點少得我一直都好鍾意飲嘅1664呢。
朋友的美人梅酒味道也不錯。
除此之外呢度仲有多款生啤、啤酒、威士忌、蘋果酒選擇，最特別是有2017至2020年份一系列威士忌，重點係可以逐杯Order，好抵飲呀。
小食見到我最喜愛吃嘅鵝肝多士，即刻order返一份，雖然一份只有一件，不過就少食多滋味，估唔到鵝肝都幾大塊，鵝肝外皮煎得香脆，內裏猶豫入口即溶嘅口感，中間還有一些果蓉好fresh，仲可以解油膩。
北海道刺身級帶子一份有兩件，用上了厚厚的南瓜做底，加上厚厚的帶子，只需要輕輕煎一煎令香味四溢，面頭還有濃郁的黑松露醬，確實令人胃口大開。
另外朋友點的季節限定廚師發板套餐相當豐富，當中的鮑魚配搭獨子蒜蓉醬，色香味俱全令我不禁試了一口，爽爽煙煙韌韌的口感好有咬口。
鵝肝迷必定要試鵝肝炒飯，配搭一大件嘅鵝肝煎得恰到好處，而炒飯嘅配料也非常足料，最後食埋個甜品就滿足晒。
张贴
