夢 (已結業)

今日我朋友帶咗我去試日式料理fine dining，一去到就已經覺得個環境好有氣派🙈，好華麗。氣氛亦都好舒服。整頓晚餐色、香、味俱全，過程中樣樣都好好食，回味無窮。食物好精緻好美真係好岩打卡，應該影啲些相，我掛住食都唔記得影多啲相，當中有兩道菜令我好印象深刻GA👍！首先係北海道帆立貝他他配法國魚子醬，大家一聽到魚子醬已經流哂口水，呢層當然啦。不過師傅同時介紹埋配合他他一齊食嘅米紙，我地先知原來係由櫻花蝦、墨汁同粟米所整成。淨係嗰種心機已經值回票價。另外，今餐嘅刺身三味亦係非常出色，我地猶如置身於日本食一樣。第一款係鱆紅魚薄切，配上酸汁啫喱，將魚味嘅鮮甜進一步昇華，當中更不乏陣陣咸香。第二係深海池魚，呢款肉身口感十足，嗰種鮮味可以維持好耐，好好食，我至愛。最後就係鯖魚喇，呢件十分肥美，口感帶點入口即溶，但同時油而不膩，難得難得💯。食左當自己去左日本。