只 (已結業)

母親節去吃飯，肯定周圍都好多人。老人家唔想咁逼夾，膽粗粗book咗間樓上cafe試下。老母嗜辣，前菜點咗水牛雞翼配藍芝士汁。叫嘅時候見到藍芝士，眼都突一突，唔知會唔會好騎呢。好彩個芝士味很輕，吃雞翼時是最後才會感覺到，不會蓋過酸辣汁的味道，出奇地好味。之後吃了櫻花蝦大蜆香蒜意粉，蝦乾和蒜油處理得好，香氣十足，不論主菜是什麼，只吃意粉也值回票價。最後，炆小牛面頰配新薯及法包，是今餐的驚喜。牛面頰煮得很軟腍，中間骨膠原很足，沒有流失。有些其他店舖牛面頰雖然也很腍，但煮過火後肉絲會嚡口，此店並無這個問題。麵包配上肉汁也是一絕。今次母親節選了樓上cafe，環境清幽又是良心小店，母親很是滿意。