船皇 (厚福街) (已結業)

夜晚收工後有啲嘢去佐敦做, 又未夠時間, 就去咗尖沙咀搵嘢食。諗住食完嘢, 就可以慢慢行去佐敦, 唔使搭車, 好方便。好掛住船皇嘅湯粉, 就行咗去厚福街船皇, 見到門口貼住張紙寫”新產品”, 有泰式秘製滷水雞髀船麵, 好想試下佢地嘅滷水雞髀, 就叫咗一碗泰式秘製滷水雞髀湯金邊粉少辣。好想讚下滷水雞髀好入味, 好大隻, 仲幾滑, 配合埋少少辣而非常香濃嘅船麵湯底, 超正, 金邊粉份量足夠女仔食, 推介俾所有鍾意濃味食物嘅人。今次無叫泰仔奶茶, 平時會叫, 但係驚夜晚飲完之後, 就好易瞓唔著, 所以忍咗手。不過呢度嘅泰仔奶茶好正~