碗盛 (已結業)

原本同朋友仔去鰂魚涌食野，但係想食既餐廳原來星期日唔開🥲所以最後就走左去天后搵野食，試左一間之前都想試既日式餐廳「碗盛」，而so far見到大家對依間餐廳既評價都唔錯。入到去都幾有日式餐廳既感覺，座位都夠闊落，坐得幾舒服，每個位都會有usb插頭俾大家差電，依個位值得一讚😆兩個人分別叫左兩個餐跟兩個小食，野食質素唔錯，但麵豉湯就太過咸，飲左唔夠半碗就放棄左。小食 - 「炸一口芝士」：😉😉😉😉中意食芝士既朋友仔就唔好錯過，但因為新鮮炸既關係，入面食落都幾熱下，所以上左菜之後可以等一陣先食，如果唔係啲芝士都幾辣口。炸過既芝士已經溶曬，所以食落啲芝士係會流出黎，芝士味都幾濃下，所以驚太咸既話可以唔洗點佢個沙律醬。主食 - 「叉燒拉麵」：😉😉😉見佢寫人氣no.1所以其中一個主食就揀左叉燒拉麵，配料算係不過不失，但係紫菜未浸湯已經淋左少少，唔夠脆口，麵既份量都算幾多下，反而湯可以多返少少，個麵都幾快朔晒啲湯，麵未食曬但湯好快就差唔多無曬。主食 - 「日本咖喱雞扒飯」：😉😉😉😉朋友仔同自己都比較中意依個咖喱飯，個咖喱比平時既日式咖喱無咁甜，但多左份淡淡既印度香料味，煎過既雞排都夠香口，好食😋