日悅極尚日式放題 (已結業)

今日落大雨，周圍都係人。本來同朋友係尖沙咀行街，但條街又焗又熱最後搵間放題坐下食下傾下計啦！係商場行行下見到咁大個招牌，決定入去一試！無book 位都唔洗等就入得啦！就眼望落去真係好大好多位🤪🤪除左點心紙之外出面都有甜品同埋小食區，甜品種類好多，但唔算做得出色，都偏甜。但好精緻👍🏻另外有冷盤區，選擇好多質量唔錯，唔夠都快補野食👍🏻食食下有人瑤鈴鈴，同朋友都唔知咩事只係見到有班人係到排隊😂😂之後先有啲客人同我地講原來出面派乳豬！都真係幾有膠頭架！有個師傅即切即分好似好專業咁😂食落口仲係脆身👍🏻人人有份呢樣做得不錯！刺身方面種類唔算多但夠新鮮做得精👍🏻我地二個就食左一算試試。熟食方面做得比較出色，另外要講下個榴槤炸彈一定要試！又熱又香濃真係超正👍🏻至於雪糕方面，以呢個入場費黎講高質雪糕都係必須的。但每款得2隻味，試試也好。個人鐘意M字頭雪糕雲尼拿味👍🏻野飲都係應有盡有不過不失😂整體黎講價錢雖然偏高但食物同環境質素都算高質，上菜夠快服務也十分好。