粗店燒烤 (已結業)

旺角光猛串燒店，行過聞到好香吸引左我同朋友入去！😂入到嚟環境好寬敞，係同朋友傾偈嘅好去處。光線光猛唔會搞到好眼瞓。入到去見到一個加熱嘅爐，個爐入面放左2支蠟燭，等串燒黎到嘅時候可以保溫。另外枱上面放左包紙巾，認真搞嘢😂一坐低店員會俾啲辣椒粉、孜然粉放係盤到，等陣點嘢食調味。呢度點餐係掃QR code點的，上菜速度正常唔會等好耐！都點左唔少嘢食！串燒就點左牛肉、燒菠蘿、甜薯、雞翼。海鮮有焗蠔、扇貝、蒜蓉煮蜆。另外仲有炸魷魚，燒茄子同炸饅頭。每樣嘢食都好有心機，冇乜邊樣覺得唔好食。尤其是炸魷魚，加上新鮮炸好非常美味。燒茄子比起坊間嘅唔同，上面鋪咗好多菜甫，加埋蒜蓉非常惹味。另外海鮮方面，調味得啱啱好，亦都食到食材嘅鮮度。