！上星期我就同左幾個三五知己去到佐敦吳松街嘅“尚鲜”，呢間餐廳唔係任飲任食，正正如此，質素方面先有保證，而湯底方面亦有令人意想不到的驚喜！我地點左個“蟲草花花膠燉雞腳”，大大煲好足料，花膠好大隻好厚肉，食落滿口膠質之餘又帶著蟲草花香，雞腳好腍滑入味，蟲草花仲爽口香甜，啖湯真係冇得彈，燉湯本身飲落就香過老火湯，加上重膠質的花膠雞脚，飲完滿口餘香，感覺嘴唇都黏在一起了
！
飲完煲靚湯，相比之下好似海鮮都變得略有失色！其實冇D咁個事😆！海鮮尚盛裡面有：海蝦、海蟹、帶子片、珊瑚蚌、廣島蠔、大花甲、聖子皇、是日活鱼等，拼盤不但砌得精緻，更是新鮮非常，蝦、大扇貝新鮮大隻，蟹肉好實正，帶子片珊瑚蚌好鮮甜
！
百花釀油條，油條酥脆，蝦膠鮮美多汁，醮上甜酸醬汁最美味，亦可以放湯裡浸一浸食，卻又是另一番的滋味！
蔬菜幾時都不可或缺，田園盛，有粟米、雞脾菇、蘿蔔、金針菇、娃娃菜、生菜等，新鮮的蔬菜帶給人一種滿足感！估唔到喺佐敦嘅樓上餐廳咁有水準，以價錢黎講，湯就超抵飲，其他尚算可以，服務方面亦周到，下次會再來！
