蓮香居 (已結業)

星期六同朋友嚟到上环买野，顺路见到莲香居，已经听过佢大名好多次，今次终于可以试到。店内装修保留左旧香港特色，无论系茶具定系枱都好有古旧风味，佢哋仲系用紧推车仔咁样卖点心，依家真系买少见少。侍应大部份都系上咗年纪嘅人，全部都好有礼貌，同好多客人都好熟。今次试唔到佢出名嘅西米布甸，叫咗嘅食物方面大部份都中规中矩，唔系话特别出色，我谂呢度嘅人都系食佢嘅风味，而且佢嘅价钱偏贵，唯一值得赞嘅系壶茶冲得好好饮。不过如果系想体验下香港特色嘅都可以一试。