大安茶冰廳

营业中

休息中

這冰廳歷史悠久， 新老闆保留原有裝修的味道再加入新元素，難怪每天都有很多人排隊光顧兼打卡。先談飲品，叫咗似乎是鎮店之寶的啡立克及Latte，啡立克其實就係咖啡加好立克，味道不錯，不過如果你係想飲咖啡嘅話呢杯野應該唔合你心意，因為咖啡味好淡。Latte味道唔錯。佢有4款cake，我哋叫晒黎試。菠柚泡芙入面啲菠蘿同柚子食到新鮮嘅味道，d生果嘅汁無搞到個泡芙濕立立，難得。杏霜卷蛋嘅杏霜味好香，同件卷蛋嘅質感好夾，兩樣舊嘢走埋一齊變咗樣新東西，一d都唔夾硬。檸茶曲奇係淋淋地嗰種曲奇，食到中間檸檬味重啲，味道都唔錯，不過就似乎無乜茶味。焦糖蛋撻係4款之中唯一嘅熱點，蛋嘅部份做到香滑兼備，出餐前火槍燒一燒個面，唔會太燶。整體體驗唔錯，不過如果要排隊就唔係好值得。