扒王一哥 (已結業)

呢度嘅扒可以揀碟上或者鐵板，配燒汁/蒜蓉汁/黑椒汁，仲可以任食薯條🍟 童年回憶返哂嚟~但個人就麻麻地呢款舊式口味，應該無下次🤧💰美國牛仔骨 $168牛仔骨係肋骨部位帶骨嘅肉，肉質柔嫩，而且肉味香濃🥩 但因為同平時嘅牛扒唔太一樣，我每次食都覺得好似食緊燒味店嘅燒肉，我唔太識欣賞🙂💰美國安格斯西冷 $158叫咗5成但出到嚟似7成，有啲失望喎🥲 而且呢個價錢我可以食啲好味啲嘅牛了~不過佢每份餐都包咗餐湯同飲品，而且鋪頭無咩人，可以慢慢坐，呢個係唯一優點👀📍扒王一哥地址︰旺角彌敦道726號7樓