究極堂 (蜆殼街)

营业中

休息中

呢間同家人朋友幫襯過幾次，之前去銅鑼灣店都好滿意，今日就帶未試過既朋友嚟炮台山店食飯～仲記得之前同大班朋友嚟食，仲有間房可以坐，好方便傾計！今次就坐吧枱，一樣係咁舒服好坐～［溫泉蛋蟹肉沙律］賣相好靚，我本身唔食蕃茄仔，但試咗一粒勁新鮮爽脆，撈埋個芝麻汁同埋溫泉蛋黃，味道好balance～［究極火龍卷］名符其實既一道菜，竟然真係識著火，賣相滿分！入面有6件手卷，6件個topping都唔同款，一碟就可以食勻晒，中間仲有個炸到好酥脆既蝦頭，好有趣！［鰻魚芝士玉子燒］玉子好嫩滑，加埋入面鰻魚肉，熱辣辣，居酒屋必食！［海膽右口魚邊蝦卷］賣相精緻，一啖就有齊豐富海產味道［究極炎之丼］熱辣辣既一碗丼飯，刺新好肥美，火炙過後好香口，正！飲品方面，我地點咗［巨峰提子蘇打］同埋［青檸蘇打］，真係有幾粒青檸可以篤，唔會好假好甜，解膩啱啱好～朋友都覺得我冇介紹錯，呢度可以食到有別於一般日本餐廳既創作料理，又靚又好食！佢地平日仲有豐儉由人既lunch menu，就算一個人嚟都可以盡興～！