嚐囍點心小廚

营业中

休息中

今晚去咗樂富搵嘢食，記得以前讀書嘅時候，經常都會去樂富食嘢，嗰度有好多間大排檔，好有人情味，不過領匯翻新咗之後，就好似冇咗啲大排檔，變咗大品牌連鎖店，尤其是到咗夜晚九點之後就更加難搵嘢食，要行到落去樂富邨入面先至另有一番新天地，嗰度有好幾間好受歡迎嘅食肆，今次揀咗呢一間點心小廚，畀佢門口個電視吸引，播放住 黎諾懿訪問佢哋嘅節目，講煲仔飯點樣煮法。今次叫咗一個白鱔滑雞煲仔飯 ，原來煲仔飯最理想嘅時間係 15 至18 分鐘，如果超過 20 分鐘呢就會太老喇，呢個節目有講到個豉油，原來唔係一般甜豉油，係煮咗兩個鐘，仲加咗蝦乾等等嘅海味落去，所以特別鮮甜，至於白鱔就啱啱救夠熟，非常嫩滑，鍋巴亦唔會太痴牙，可能因為睇完個節目，感覺呢個煲仔飯真係特別好食，哈哈！