三上日本料理 (已搬遷) 新店位置

朋友黎搵我游水，午餐話要食日本野，我琴日食左好多魚生啦，所以叫左我至鍾意既牛柳粒定食(第二鍾意係牛肉鍋)，佢就叫左壽司定食。食完就坐左一個鐘車去大埔泳池游水(有六條滑梯好長好好玩，又有得跳水，好正)蒜片牛柳粒定食 配意大利黑醋沙律及湯 $68佢啲野係好食既，以前同爸爸媽媽差唔多每個星期都食，早排覺得佢啲餐貴左所以好耐無幫襯，宜家好似又平返啲，又多返啲選擇。最鍾意就係佢會開到半夜，有時夜機返都有野食。朋友個6件壽司定食，有埋牛肉湯烏冬蒸蛋同湯，$78。(俾我會簡十件壽司個個餐)其實食開佢金菇牛卷，滑蛋飯，鰻魚炒飯，同啲咖喱飯都好食既。宜家啲午餐抵食返，我都覺得可以帶返爸爸媽媽返黎試返啲餐。同埋以前都會必點一磅三文魚刺身黎食。