坤記糕品專家 (已結業)

去親深水埗都一定會到坤記買糕番屋企食，白糖糕我一定買，另加芝麻糕、馬蹄糕或紅豆糕任何兩款，每款半斤。電腦節最後一天，今次買咗芝麻同紅豆，本人愛馬蹄糕夠爽口，但老豆鍾意紅豆糕多豆又唔會太甜，芝麻糕又夠香，買晒三款又太多，所以今次唯有捨棄馬蹄糕啦！今次買嘅芝麻糕覺得無以前咁香，不過佢嘅九層心機，仍然值得欣賞。白糖糕買咗兩件，一件ｓｉｚｅ正常，一件就偏細但比正常厚番少少，賣相差ｄ。最正都係紅豆糕，雖然又覺得紅豆少咗，但仍然好好味！仲有覺得ｄ糕要擺入雪櫃雪吓會好味ｄ，即買即食都比較黏，無咁爽，總之日後仍然會繼續邦趁！