福岡漢堡扒 (厚福街) (已結業)

同朋友喺尖沙咀行街，夜晚就決定去試下福岡漢堡扒。 我哋兩個人嗌咗個二人餐，我嗰個就係芝士蒜和牛漢堡扒，而且加咗個柑桔檸檬特飲。 成個用餐體驗好特別， 搓到一個圓球的和牛漢堡扒，分量都幾多， 之後放喺燒得好熱嘅石頭上面燒，容易操作，唔會燒燶，陣間可以控制脆皮程度，煎出嚟嘅漢堡扒仍然有肉汁，有濃郁嘅牛肉味，有時仲會食到一絲絲的芝士，加埋旁邊的蛋， 還有一片片的蒜，口感十分豐富。柑桔檸檬特飲唔會太甜，可以中和返和牛的油脂感覺， 令人感覺十分清新。另外這個套餐還有一個芝士泡豚丼飯， 醬汁香甜，有芝士和菜，豚肉唔會韌， 值得一試。