更多
2022-04-24
474 浏览
淘大呢度多左donki后又旺左,本来已经十分高人气的商场,越来越难揾位食饭啦。是日差不多两点半先得闲食晏,兜左个圈,决定食下爱家素食,虽然系平日嘅两点几,餐厅都半满座,人气甚高呢。叫左碗悠乐汤河粉,再加左份悠乐春卷同炸紫菜,呵呵,其实仲有好多想食,食完呢份再决定加唔加先。其实悠乐即系越南嘅另称,所以呢碗都可以叫做越南河粉?哈哈~咁素餐厅当然唔会系牛河啦,用了素札肉,鱼丸同鱼片,卖相相当唔错,色香味俱全。先试试汤底,好鲜甜㖞,味道好浓郁有层次,一饮就知系足料淆出黎啦!素肉有口感,食落好爽口,唔错唔错。由于个碗底实在太正,成碗饮哂一滴不净,呵呵。小食即叫即炸好香脆,春卷比广东式略幼身,但入面都包满馅㗎,粉丝杂菜丝等,咬落清爽又香口。另外个炸紫菜又系正,劲脆㖞,虽然系炸但又唔油腻,有冇得散买返去做小食㗎?仲要赞下个酱汁,旁边呢个柠檬汁好清新,酸得黎又咸咸地咁,点春卷同紫菜都劲爽,仲可以去下油腻感添。其实已经好饱,但为食相想睇下甜品,之前落单时已留意呢个甜品柜,有五款杯仔甜品,要边样好呢?最后决定要个柚子柠檬蛋糕杯同一杯热奶茶,呢度个奶茶同用豆奶冲的,除了茶香仲有阵豆奶香味,真系又香又滑又够热
叫左碗悠乐汤河粉,再加左份悠乐春卷同炸紫菜,呵呵,其实仲有好多想食,食完呢份再决定加唔加先。
其实悠乐即系越南嘅另称,所以呢碗都可以叫做越南河粉?哈哈~咁素餐厅当然唔会系牛河啦,用了素札肉,鱼丸同鱼片,卖相相当唔错,色香味俱全。先试试汤底,好鲜甜㖞,味道好浓郁有层次,一饮就知系足料淆出黎啦!素肉有口感,食落好爽口,唔错唔错。由于个碗底实在太正,成碗饮哂一滴不净,呵呵。
小食即叫即炸好香脆,春卷比广东式略幼身,但入面都包满馅㗎,粉丝杂菜丝等,咬落清爽又香口。另外个炸紫菜又系正,劲脆㖞,虽然系炸但又唔油腻,有冇得散买返去做小食㗎?仲要赞下个酱汁,旁边呢个柠檬汁好清新,酸得黎又咸咸地咁,点春卷同紫菜都劲爽,仲可以去下油腻感添。
其实已经好饱,但为食相想睇下甜品,之前落单时已留意呢个甜品柜,有五款杯仔甜品,要边样好呢?
最后决定要个柚子柠檬蛋糕杯同一杯热奶茶,呢度个奶茶同用豆奶冲的,除了茶香仲有阵豆奶香味,真系又香又滑又够热,劲好饮。蛋糕杯仲惊喜,估唔到素蛋糕都可以做到咁绵滑,湿润有弹性,淡淡的柚子同柠檬香,酸酸甜甜味道平衡,忌廉很滑唔腻,呢个味道绝对可以一口气食到十杯,太好味了。
外表睇落平凡嘅餐厅估唔到咁高质㖞,系健康的素食餐餐黎,唔系旧派啲油腻腻的斋舖,主食同甜品都好正,下次试边款好呢?
张贴