更多
2020-12-09
242 浏览
赶喺晚市堂食冚档之前再食多餐,拣咗荔枝角工厦地舖既pizza店。欣赏舖头有摆定湿纸巾俾顾客再抹多次啲餐具,疫情咁鬼劲始终自己抹多次就安心啲既黎得pizza店冇理由唔嗌佢既手工pizza既,遗憾既系佢好正宗,冇男友最钟意既千岛酱base,咁唔紧要啦照试佢既夏威夷风情。pizza一上枱好香,批底几脆,馅料有火腿有菠萝有甜椒,味道都对办;批边一上枱热辣辣𠮶阵好松软,但真系要把握时间尽快食晒。除咗pizza仲嗌咗个意粉,通常去啲未去过既舖头都会稳稳阵阵叫个忌廉意粉,今次呢个忌廉意式烟肉手打面真心有惊喜,个忌廉酱味道微酸,冇咁「溜」;手打面真系有手制感觉,烟烟韧韧既~饮品方面我地share咗杯花生酱香蕉奶昔,佢个质感冇five guys𠮶啲咁杰既,你可以话相对健康啲、冇咁饱肚,味道就不过不失啦
欣赏舖头有摆定湿纸巾俾顾客再抹多次啲餐具,疫情咁鬼劲始终自己抹多次就安心啲既
黎得pizza店冇理由唔嗌佢既手工pizza既,遗憾既系佢好正宗,冇男友最钟意既千岛酱base,咁唔紧要啦照试佢既夏威夷风情。pizza一上枱好香,批底几脆,馅料有火腿有菠萝有甜椒,味道都对办;批边一上枱热辣辣𠮶阵好松软,但真系要把握时间尽快食晒。
除咗pizza仲嗌咗个意粉,通常去啲未去过既舖头都会稳稳阵阵叫个忌廉意粉,今次呢个忌廉意式烟肉手打面真心有惊喜,个忌廉酱味道微酸,冇咁「溜」;手打面真系有手制感觉,烟烟韧韧既~
饮品方面我地share咗杯花生酱香蕉奶昔,佢个质感冇five guys𠮶啲咁杰既,你可以话相对健康啲、冇咁饱肚,味道就不过不失啦
张贴