臨記車仔麵 (已結業)

話說有次經過黃大仙，見到有間新開嘅自助式車仔麵，就被鍾意食車仔麵嘅母親大人，拉咗入去食。作為番茄湯愛好者嘅我，就叫左一個預設好嘅化骨龍餐，配茄湯，分別有豬大腸雞翼尖牛舌同墨魚丸，茄湯幾濃郁，上邊仲有好多蕃茄肉，質素唔錯。另外母親大人就叫咗一碗牛魔王，配清湯，分別有蘿蔔牛丸牛腩牛肚同韭菜，而呢款就揀咗配菜底，平時好少車仔麵會有呢個選擇，對於唔係咁大食嘅人來講，有得配菜底真係幾好。兩個人叫埋小食價錢都唔係好貴，我哋真係飽到捧住個肚走咁滯。