火山燒 (已結業)

CWB睇開嗰個中醫今日冇開，於是搵地方醫肚，其實CWB大把野食，齋係紅綠燈位等過馬路已經有好多嬸嬸同叔叔係度派傳單。見到呢間好似好正咁，就去一試。自助串燒燒烤，食物種類都算多，重點係有得燒生蠔！一坐底唔好講咁多即刻叫生蠔，仲有宫崎牛同鹿兒島黑豚肉！！半殼生蠔唔算好大隻，但好鮮味，食完再order,全晚我一個人大大話話食左成廿隻！宫崎牛肩肉同牛仔肉都係值得推介，兩都牛肉味都好重，不過個人認為牛肩肉油脂分布得平均，比較肥美同肉質鬆軟。福袋，入面有d素翅，輕燒一陣就食得，面頭仲有小小脆，好得意。黑豚腩片睇落好似好肥，但就算燒完都唔會覺膩。女人就食左好多羊背肋，佢話好重羊味，但唔算蘇，我唔食羊就冇試嗽。雞皮，食串燒必定叫的，燒完係脆得黎唔油，正！食日本野我地一定會叫鯖花鮮，估唔到呢度都有，yummy！另外叫左鮑魚好彈牙，青口細細隻好鮮味，扇貝同翡翠螺都好大隻。女人就食左好多疏菜，佢話冬菇同翠玉瓜好鮮甜，encore左好多次