盈暉海鮮酒家 (已結業)

去完威爾斯親皇醫院探病，跟住就去咗第一城食午餐，本來沒有打算寫食評，所以冇咩影相。但當我食到腸粉嘅時候，我就覺得一定要寫食評了。其實今日我哋叫咗餐包，芋角，蝦餃，燒賣，腸粉同埋一個湯米。其實餐包都幾好食，芋角都唔差，咬入去嘅時候都唔會有好油既感覺，比較乾爽。蝦餃燒賣啲高質素OK的。但係當我食到腸粉嘅時候，我真係覺得好耐冇試過食咁差既腸粉，一啲都唔柔軟，講真一句質素真係幾差。湯米係一鍋＄50蚊，＄50一個午市特價係有咩呢？就係我諗加埋都冇¼個節瓜份量嘅節瓜絲，同埋應該有半個食飯碗份量嘅菇，就無其他材料，對於呢一個地會嘅酒樓來講，呢一個出品，我真係覺得唔抵食！環境方面，冷氣極不夠，嘗試問職員，佢地話係中央冷氣所以無辦法。