湯鮮生 (莊士敦道) (已結業)

天氣凍凍地，行過呢間裝修好似幾好，咁啱男店員係門口係度SALE緊，又幾有禮貌，所以就開始左呢個中伏…首先講個湯先啦，香菇雞腳湯，味道無乜特別，同埋好多油喺湯面，無隔到油，呢點唔太好，一飲落口就成口油…我以為肉餅點樣整，都唔會難食，所以我揀左冬菇肉餅飯，然後伏已中。先講質地，我唔知佢落左乜野去「那」果舊肉飯，D肉餅係完全唔駛咬都可以溶左咁，好似專FOR無牙果個老人家，梅梅下都食到。跟住D味道可以咸到一個點，直頭係新高點，第一啖已經覺得勁重味精，撈飯食都頂唔住，食完幾啖已經勁口乾。睇返OPENRICE，呢間野開左成年，D質素係完全無進步，不可一不可再。希望大家不要中伏。