朱敏記桑拿菜 (已搬遷) 新店位置

今日同老公入左土瓜灣探朋友，晚餐同佢一齊撐枱腳，今日想食中菜，老公來過呢間說不錯，一試啦。環境好大，唔錯，坐得舒服。點了欠違了的酥炸大腸，還伴了百花卷，其實我唔知百花卷是甚麼來，侍應說原來是釀蝦腸，吃來不錯，彈牙好鮮，沒有好重的味精味，好清新，加埋D青瓜，好好食，又點脆又點彈牙，加上鮮味蝦膠，好食！至於酥炸大腸，無咩中式食肆願意做了，因功夫太多，唔係咁多地方食到啊。大腸咬下去，腸衣好脆，咬下會吃到腸肥的甘香，無臭味，好甘香可口，煙煙韌韌，吃到好過癮！呢個蜜汁桶蠔，好有蠔味，蜜汁甜甜潤潤，桶蠔唔係好大隻，好Match，因為蜜汁帶出蠔味，煎香更是可口怡人，佐飯好好食，但份量少左D，多D先夠喉，蜜汁是否加了蜜糖？？真是不錯，好過配豉汁啊，令吃蠔清新又唔肥膩。炸子雞都好好味，雞皮好炸香，老抽汁入晒隻雞度，吃到甜甜地，皮脆肉嫩，好正，呢度D師傅做中菜，好有功夫。我都好想練成炸雞術師，因為經常做炸子雞都失敗收場。