麥金.麥金馬來西亞特式茶啡室 (已結業)

👍🏻 怡保芽菜雞配黃薑飯雞肉件件油亮 皮滑肉嫩 而墊底既芽菜都十分突出 除左爽脆之外 味道都好好 因為佢吸收晒啲雞汁🐣另外 黃薑飯好香 每啖都食到輕微既辛辣味！正👍🏻 娘惹叻沙餐牌上介紹係用馬來西亞空運既香料同醬料 果然叻沙湯底又香又濃 仲有淡淡既椰奶香🥥材料好多 特別要講下海蝦 肉質爽口彈牙 非常鮮甜🦐 仲有索晒叻沙湯既豆卜同入味既麵條🙌🏻👍🏻 古仔路肉骨茶 （細滲）肉骨茶有多種款式 可根據個人喜好選擇 我地咩都想試啲 所以就揀左細滲🐷入面有一字骨、三層肉、豬手仔、雞腳、豬肚、豆卜、金菇、油條 湯底藥材味甘香不苦 肉味頗濃 仲有小蠟燭係下面keep住温度 好貼心💕👍🏻 凍美祿恐龍🦖美祿濃淡適中 唔駛擔心融冰後變淡 上層美褖粉都比得夠多 我最鍾意連冰塊咁食 有美祿糖既感覺✌🏻👍🏻 凍椰汁班蘭冰🧊班蘭既味道同顏色都好出 同椰汁配搭 平時比較少見呢款飲品 值得一試😊注意事項⚠️- 裝修 特別係掛畫 好有星馬特色- 肉骨茶可免費添飲 如有需要同店員講就可以喇🙆🏻‍♂️