天心 (已結業)

我地揀咗黑毛和牛set，黑毛和牛牛胸腹同埋肩胛係定量嘅，雪花望落好靚，美國肥牛、牛小排、牛板腱、牛舌就可以任食，牛小排肥瘦適中，日本豚肉同埋腩片都好有肉味，幾款肉類都好高質🥩 豆乳柚子湯🍲幾款湯底之中揀咗比較清淡嘅豆乳柚子湯，因為有柚子皮所以味道好清新，亦可以食到其他食材嘅原味👍 海鮮有較少見嘅鮑魚，不過最鍾意都係蝦，蝦肉結實爽口🦐 其他比較特別嘅材料有蟲草花、褔袋等～ 小食方面試咗忌廉蟹肉薯餅、炸雞、炸雞軟骨、餃子，新鮮炸起絕對加分👍 牛肉同埋豬肉都會按人數上一份先，至於其他野食就會掃QR code落單，雖然依度唔似大部份放題火鍋店咁，有自助區可以唔同味道嘅丸、餃子、腸子，但係勝在整體食物質素高，尤其係唔同嘅牛肉同埋豬肉部位都相當唔錯，加上無限時可以慢慢淥，好啱約friend食～