柏斯意大利餐廳 (已結業)

星期五的約會⋯放工就同朋友仔去左Pezzi Bistro，因為佢呢度又近我地公司，係一個高質素既「約會」聖地⋯裡面裝修得好華麗⋯好有情調⋯好喇去睇下我地食咩先啦@@我地叫左兩個set dinner~以下係我叫個set 上頭盤前，每人送左香檳：黑加倫子+少少酒，口感清新，易入口，幾岩女仔飲頭盤：煙三文魚沙律-視覺上已經好掂檔，成件藝術品咁，味道方面：廚師加左少少檸檬汁係煙三文魚度僻左啲煙燻味，配埋啲沙律菜，口感好新鮮，很有農家feel^^餐湯：大蒜馬鈴薯湯-係呢個湯入面廚師用左馬鈴薯令到個湯變得黏稠，口感似忌廉湯，但佢冇忌廉湯咁漏，另外佢上面鋪少少烘過的大蒜，豐富左口感。。。主菜：燒鱸魚配檸檬香草汁-呢個主菜有驚喜～係個底度有黑松露薯蓉架⋯yummy，另外佢啲配菜都grill得好出色～鱸魚呢⋯好香魚味不錯不錯！甜品：意大利芒果奶凍-係奶凍上鋪左層芒果醬令到奶凍變得好夏天，但個人覺得如果冇左芒果醬會更易入口，因為冇咁甜⋯岩返頭先食開個味道！餐茶：就揀左grey tea，但估唔到佢地會原壺咁上，excellent  整體而言，係聯和墟可以食到有質素既意大利菜，簡直大滿足啊！