廚十三老壇酸菜魚 (譽發廣場) (已結業)

終於捱到星期五，係happy Friday時間，同好姊妹約佐放工黎油麻地呢間廚十三食飯，廚十三一直係香港好出名，已經有幾間分店，果然真係好出色！老壇酸菜魚🧡我地兩個女仔一見到就被嚇親，酸菜魚勁大盆，我地係自選配料加佐豆卜，海帶，青荀，望落更豐盛！平時係其他餐廳食過啲魚片唔會多，但呢度份量真係好多，仲要塊塊都大塊，又好柔嫩，湯底就麻酸辣調配得岩岩好，超正！泡椒鳳爪$68🤍鳳爪好大隻，好爽脆好有咬口，油泡過好濃味，花椒令鳳爪愈食愈麻，惹味十足！酥炸無臉男$88💛炸豬肉條就係無臉男，豬肉條用一個月型既兜裝住，幾精緻，每條都炸到金黃香脆既豬肉條好要鬆脆好好食，覺得唔夠辣既朋友仲可以再點辣椒粉黎食，咁就更加香口啦！