陸陸雞煲火鍋 (已結業)

雞煲上之前就有東風螺做前菜，啲螺肉都十分彈牙。跟住就到個雞煲啦，個辣度其實啱啱好，略帶一點麻味，相當適合鐘意唔同辣度嘅朋友。之後就有一個龍蝦海鮮湯，個龍蝦味非常之出。咁唔少得嘅當然就有海鮮拼盤啦，入面啲海鮮全部都好生猛，十分之好食不過個火喉就要控制得好好啦。之後都係一般嘅肉類，牛同豬，牛肉就比較硬少少，而且手打丸類都麻麻。總括黎講就幾多選擇，亦都食到好飽到。最後仲有甜品雪米糍同埋有生果，係呢個價錢嚟講簡直係可以話超值，絕對推薦大家來試一試！