佢餐牌上有幾個餐2人餐4人餐，不同價錢不同海鮮，當然亦可以加錢升級個別海鮮。
大赤蝦，鮑魚，蚌，珍珠蠔，大元貝，白刀貝
刀背蚌，白刀貝- 店員千叮萬囑無需點醬油，的確兩款海鮮都好正，有海水味加貝類鮮甜。
大元貝-扇貝個鮮味， 平日食開蒜蓉蒸粉絲，今日清蒸，好鮮味。
珍珠蠔-鮮味有餘，好鐘意店員既貼心服務，吾會只係比個timer 及指引你，叫你自己蒸，而是幫你蒸，基本上等食就可以。
另外十分欣賞佢既蟹
蝦蟹一齊上一隻開了兩邊，
膏仔蟹，十分多膏，真係幾足料，而且隻蟹夠新鮮，實肉，仲相當鮮甜。
最後仲有個蔬菜盤，如果食海鮮吾夠食埋菜就差不多。最後仲有粥底，將海鮮既精華都留曬落去，寶物沈底。
今日仲叫左個水蜜桃茶，甜甜地，又吾太重味，配蒸海鮮吾錯
