堂記腸粉專門店 (已結業)

一直有聽聞渡船街這邊有檔腸粉好好味，不過由於唔就腳，未有試過。今日機緣巧合來這邊，佢地又有開喎，梗係要試吓喇！堂記個街邊檔冇分別，坐係路邊等位，大概等咗20分鐘，坐低店員遞上點心紙，聲明腸粉要等20至30分鐘。好肚餓，所以先叫碗菜乾豬骨粥，另外兩碟腸粉。菜乾陳腎豬骨粥呢啲舊式粥0徙時間，已經唔係度度有得食，陳腎切得薄薄，易咬，菜乾粥夠味連胡椒粉都唔使落，每碗有兩舊豬骨，多肉!食完碗粥止一止肚餓，慢慢在炎夏嘅晚上等待傳奇腸粉出現... 等到頸長出汗，果咗半個鐘到終於有喇！燒鴨腸腸粉皮超薄，超滑，食落絕對唔會一pat pat，燒鴨腸係碎上的，不過好夠味，唔鞋，有啲連皮所以好香口！豬潤拼蝦腸豬潤厚身，份量多，甘香！蝦仁大隻，同埋出奇地爽口！真係好好味，真係值得等的，不過腸粉份量好細，一、兩碟跟本唔夠飽！唔怪得其他客一人一碗粥再加四碟腸粉喇！由於等好耐，所以今次冇encore，下次會一次過叫多啲！