JK Brother’s (已結業)

大家唔好以为难book就唔book, 我第一次book就book到， 本来谂住一定无位， 好好彩 😍估唔到weekday嚟都有烧蚝同烧虾食 😃 烧蚝 ~ 烧得好靓， 刚刚好唔会干咗， 算肥美大旧肉， 唔错呀！ 厨师不停refill，完全食到够满足呀！烧虾 ~ 💛今晚嘅重点💛 都系不停refill烧得时间刚刚好， 够熟唔会过火， 又多虾膏， 只只都好新鲜 😁 真系好好味呀！ 我数唔到自己食咗几多十只呀！ 😂😂😂刺生 ~ 唔系餐厅重点， 有得食唔差就算喇!酱油虾 ~ 有惊喜， 用平时食开嘅有头甜虾整， 都几好食， 食咗几转 😁酱油鲍鱼 ~ 老公好钟意， 我就怕胃痛唔敢食太多， 都好味!花甲有啲细只， 大蚬同沙白都大只， 几肥美新鲜， 圣子细只， 无咩味! 我拣咗Miso 汤底， 都几重味， 所以可能食唔到啲蚬类嘅鲜味! 汤底清啲可能好啲!新鲜虾 ~ 任夹食得晒先好夹， 真系好多鲜虾比我夹 😀 虽然都有啲死嘅， 咁咪拣啲生猛嘅食啰! 结论 ~ 超抵食啦！ 啲烧蚝烧虾生猛虾都已经抵晒! 仲有甜品根本食唔落，打边炉嘢完全无食过 😂 仲有啲D, M嘅大品牌雪糕😀有个好后生妹妹（侍应） 有礼貌，