金鳳大餐廳 (金鳳樓)

之前幫襯過兩三間金鳳，最鍾意嘅都係太子呢間總店，總是覺得呢度嘅員工特別有人情味。
一如既往，點咗餐之後就會送上餐包筒餐湯，餐包上枱嘅時候熱辣辣，好鬆軟。個人最鍾意呢度嘅羅宋湯，好足料味道好濃郁。
今次叫咗一份牛小排同埋一份西冷同朋友share，兩份都係叫咗五成熟。食鐵板嘅好處就係如果你覺得塊牛肉太生，切完之後用鐵板煎熟少少。
牛小排肉質厚實，牛肉味道比較濃，而且煮法係偏向西式煎牛扒嘅方式。
西冷就係中式嘅煮法，所以牛扒幾肉質比較鬆軟。
每次想食好多肉嘅時候就會去金鋪食個扒餐，買單都唔使$200一個人，好抵食，又滿足。