薄荷葉泰國菜

薄荷葉係一個老字號既泰國菜，10幾年歷史，係一間食泰國菜既酒吧，環境氣氛都好好feel，音樂又好聽，我有些朋友夜晚亦會去薄荷葉飲下酒聚下舊睇下波。

難得朋友入黎元朗聚下，我就帶佢去呢間薄荷葉食飯，我地叫左一個細既冬陰公，一份肉碎生菜包，一個黃咖喱雞肉加薄餅，另外叫左個主菜炸豬手

冬陰公材料豐富，而家夠酸辣，非常開胃，細冬陰公都可以每人兩碗，超抵食。

肉碎生菜包好多汁，包生菜超fresh。

黃咖喱雞配薄餅，好欣賞個黃咖喱，夠濃夠稠，配個薄餅一齊食剛剛好，不會感到流。

炸豬手係我最愛既菜式，旁邊的珍珠菜超好味，好甜！炸到脆卜卜，另外啲沙律菜係老闆佢地自家種植，夠新鮮！炸豬手外脆內軟，肉汁豐富鮮嫩，兩個人我地都可以成舊食哂。