Day and Nite by Master Kama (已結業)

老婆钟意食龙虾, 呢间餐厅系佢留意咗好耐, 亲自拣选嘅, 咁就最好喇, 一定冇投诉。预早订定位。 一切顺利, 餐厅畀咗一个最尽头嘅台畀我哋, 食都食得舒服啲。餐牌设计有趣、 吸引、选择够多。点选咗个, 龙虾芝士龙虾汤手打乌冬, 配料有日式叉烧及糖心蛋。依个阵容, 其实已经好饱。好味!然后重点必食推介, 就系龙虾汇: 内容有烤蒜蓉龙虾、龙虾包、及石头龙虾汤锅跟饭。 卖相吸引, 味道超级正! 啲食物嚟得太多太快, 食唔切, 特别系个石头龙虾锅跟饭, 食唔切, 最后啲饭吸晒啲汤, 但都系好味嘅。下次要醒目, 会叫个饭迟啲上。当初怕唔够食, 叫多个小食拼盘。真系好多, 我哋尽量食得几多得几多但真系超好食, 沙律新鲜, 鸡翼、薯条、薄饼、春卷都好好味。食食下叫多一杯招牌特饮 unicorn dream, 畀我老婆。卖相得意特别, 最啱影相打卡用。味道就...一般般啦。总括而言, 依间餐厅系会再encore, 我会再嚟帮衬。各方面都非常满意。